Oxford Jesus College MS. 119 (The Book of the Anchorite of Llanddewi Brefi) – page 122v
Pa ddelw y dylai dyn gredu i Dduw
122v
ennryded y|vam a|e dat. A|chyffylyb wassannaeth
a|dyly|dyn y wnneuthur a|hỽnnỽ. o|e brelat a|e pe+
riglaỽr. Ac y|dat knaỽdaỽl nev y|vam. Pymhet
Geir. Dedyf. yỽ. na lad gelein. yn|y geir hỽnnỽ yd eirch duỽ
y|dyn na ladho a|e laỽ nac o|e arch nac o|e gynghor
nac o|e annoc nac o|e ystryỽ nac o gytssynnyaỽ.
na rodi ehofynndra y|amdyffynn lleidyat. Ac yn|y
geir|hỽnnỽ heuyt yd eirch duỽ y|dyn na wnel ar+
gyỽed ar gorff dyn o|e daraỽ nev o|e|doluryaỽ nev
y|garcharv. Ac yn|y geir hỽnnỽ yd eirch duỽ y|dyn
na dycco ymborth na da dynyon tlodyonn. Sef
yỽ hynny trỽy dỽyll nev trỽy gamỽed. Ac na atter
dynyon tlodyonn y|varỽ o|neỽyn ac eissev. ac na
chattỽo dyn lit o|digassed gantaỽ vrth y|gymodaỽc.
Whechet. Geir. Dedyf. yỽ. na wna odineb. duỽ a|eirch yn|y
geir hỽnnỽ na bo kytknaỽt rỽg gỽr a gỽreic odie+
ithyr priodas. kannys kyntaf kreuyd a|oruc mab duỽ vv prio+
das. a chynnt uu y kreuyd hỽnnỽ noc offeiryat.
Seithuet. Geir. Dedyf. na dỽc kam·tystolyaeth. duỽ a|eir+
ch. yn|y geir hỽnnỽ na chadarnnhao dyn kelỽyd
trỽy tỽng. trỽy y colletto y|gymodaỽc o|e da pressen+
naỽl nev o|e glot. Wythuet. Geir. Dedyf. yỽ. na wna le+
drat. yn|y geir hỽnnỽ yd eirch duỽ y|dyn na dycco
d a y gymodaỽc o|e anuod. nac y|treis na hep ỽy+
bot idaỽ nac o|e gymell nac o tỽyll nac o ockyr.
| « p 122r | p 123r » |