Oxford Jesus College MS. 119 (The Book of the Anchorite of Llanddewi Brefi) – page 21r
Ystoria Lucidar
21r
do. Ac e|hun yd|ysgynnaỽd ef. Y|rei a|gyuo+
dassant ygyt ac ef. A|ysgynnassant. Pa|furyf
yd|ysgynnỽys ef. Yn|y mod yd oed kynn y|dio+
def. yny doeth yr|wybyr. Ac gwedy y|gymryt
o|r wybyr. yn|y ffuryf yd ymdangosses yn|y my+
nyd. o|e|vynedyat ar|nef. Paham nat ysgyn+
naỽd ef yn|y lle gwedy gyuodi. Am tri achos.
y kynntaf. y|allu o|rei eidaỽ ef. e|hun dyỽedut
ynn wir drỽy braỽf y gyuodi. Yr eil yỽ. ym|penn
y|deugeinuet dyd yd ysgynnaỽd ef y|dangos
gallu o baỽp o|r a|gyfulaỽnho y degeir dedyf.
drỽy y|petwar euegyl. ysgynnv yr nef ar|y|ol ef.
Trydyd achos yỽ. yr eglỽys yma. yỽ corff krist.
A gwedy y|drallaỽt a|odefuo hi yma dan yr anti+
krist. ef a gredir idaỽ dydbraỽt ym|penn y|deu+
gein nihev. Ac yd ysgynn paỽb|yr nef. Pa vod
yd eiryaỽl ef drossom ni ar|y|dat. Gann dangos
y|diodeiueint yn wastat. Paham nat anuones
ef yr yspryt glann ym|penn y|deugein nyhev.
O|tri achos. kynn·taf uu y|ymgyweiraỽ o|r ebe+
styl o|wediev. A dyrỽeist erbyn y dyuot ef. Yr
eil uu. y dangos y mae y|nep a|gỽplaei gorchy+
mynnev krist a|gymerynt yr yspryt glan.
Trydyd vv. megys y|rodet dedyf caryat y bobyl
duỽ ym|penn y degniev a|deugein gỽedy eu ryd+
| « p 20v | p 21v » |