Oxford Jesus College MS. 20 – page 21v
Owain
21v
o seirff a gwiberot ac amryual
aniueilyeit. ac edrich a oruc ynteu
or nadunt* ỽynt ac erchi vdunt vynet
y bori ac ystwng eu penneu a wnae+
thant a diolch y|r gwaredaỽc y eu har+
glỽyd. ac yna y dywaỽt y gwr du wr+
thẏf llyna dyn bychan y|medyant
yssyd ẏmi ar yr aniueilyeit. a go+
uyn y fford a wneuthum idaỽ. a go+
uyn a oruc ym pa|le y mynnỽn vy+
net a dywedut a wneuthum pa
wr oedỽn a pha beth a gessyỽn* a
manegi a oruc ynteu ymi kymer
heb ef y fford ẏ dal y llanerch a cher+
da yn erbyn yr allt vchot yny delych
o|e phen. ac o·dyna ti a weli ystrat
megys dyffryn maỽr. ac y|ghenol
yr ystrat ti a weli pren mawr a glas+
sach yỽ y vric no|r dim glassaf
ac ydan y pren hỽnnỽ. y mae fynn+
aỽn ac yn ymyl y fynnaỽn y mae
| « p 21r | p 22r » |