NLW MS. Llanstephan 27 (The Red Book of Talgarth) – page 28r
Ymborth yr Enaid
28r
ar araỻ drỽy lawenhau am y afles a|thristau am y les Pym ̷+
thec o geingeu yssyd y gynghorvynt. neu y genvigen. nyt
amgen. gogan. angklot. absenneir. clusthustynggas. dybryt ̷+
rỽyd. ymeỻdigaỽ. dryc·dychymic. cudyaỽ neu|gyvarsangu
da. digassed. angkywirdeb cas. chwerỽder. annuundeb. gỽat+
twar. kuhud. Gogan yỽ angklotuori araỻ yn|y absen; absen+
eir yỽ kyvarchgar o·gan hustungus am barableu neu weith+
retoed ereiỻ yn eu habsen. Clusthustynggas yỽ. cas hustyng
dych·ymyc drỽc ỽrth vedyannussyon neu swydogyon y goỻe+
du araỻ o digassed arnaỽ. Dybrydrỽyd yỽ. gỽrthwynebu ~
clot araỻ am y weithredoed da a cheissyaỽ y difflannu. Ymeỻ+
digaỽ yỽ bỽrỽ dryctyb yn erbyn gỽeithret da. a|e gam·ystyry+
aỽ. Kyfarsangu da a chudyaỽ clot yỽ. kelu ar araỻ y|da pan ̷ ̷
dylyit y venegi. Dryc·dychymic yỽ. gyrru neu dychymygu
ar|araỻ. newyd ogan yn|gelwydaỽc. Digassed yỽ an·vynnu
ỻes neu damchwein da y araỻ. anghywirdeb yỽ. andiolch
y araỻ y da. Chwerwed yỽ. gỽenỽynuar diffeith vedỽl di+
rann o lewenyd. Gwattỽar yỽ. keỻweirus lewenyd drỽy digas+
saỽc digrifỽch anghymhedraỽl y dremygu araỻ. Kuhud yỽ
menegi gỽyt neu drỽc ar araỻ geyr bronn braỽtwyr ỽrth y
goỻedu. Cas yỽ angharu araỻ o rybuchaỽ drỽc idaỽ. annu+
undeb yỽ. cassau araỻ hyt na mynner bot. yn vn ac ef ar
neb·ryỽ beth. ~ ~ ~ ~ ~ ~
T Raether weithon am an·niweirdeb a|e geingeu. Anni+
weirdeb yỽ ỻithredic wyỻdineb syrthyedigaeth medỽl
y myỽn budron a|halogyon gnaỽdolyon eidunedeu. Seith
geing yssyd y anniweirdeb. nyt amgen. ffyrnigrỽyd. godi+
neb.
| « p 27v | p 28v » |