NLW MS. Llanstephan 4 – page 15v
Chwedlau Odo
15v
ỻygoden y ty ỽrth y ỻaỻ. Neitta racco. ti
a|wely yssyd o ymborth ytt os mynny. A|dy ̷+
uot a|oruc y|ỻygoden vaes o|e ỻochỽes aỻan
a|chaffel briwssonyn o|r bara gỽynn. ac ar
vrys neitaỽ a|oruc y cath idi a|e|daly hae ̷+
ach. ac eissyoes o vreid y|dienghis hyt
y ffeu. a|dywedut ỽrth y|chedymdeithes a
oruc. a|oes ytti yn wastat y ryỽ gedymmde ̷+
ith hynn yn keissaỽ dy dinustyr. Oes
yn wir heb hitheu. a heuyt ef a ladaỽd
vy mam i a|m|tat. Ac yna y dywaỽt y|ỻy+
goden araỻ. yn dilys ytti yr yr hoỻ vyt
ny mynnỽn i drigyaỽ yn|y ryỽ berigyl
hỽnnỽ. Wrth hynny tric di gyt a|th vỽyt+
eu blyssic. kanys gỽeỻ yỽ gennyf|i ffa
calet a graỽn sychyon a|dỽfyr yn|y meys+
syd gan dilysrỽyd heb perigyl no phob
ryỽ ansaỽd o|r a|aỻer y vedylyaỽ yn|y vyỽ
enbeitrỽyd a|pherigyl hỽnn. Megys y
dyweit y wers yn ỻadin. Rodure* malo
fabam quam cura perpete rodi. Veỻy am per+
sonyeit a|bicarieit yr eglỽys drỽy symo+
niaeth ac vsur yn buchedockau yn an ̷+
heilỽng; pei synyynt ar|pa veint berigyl
y maent yn ymborth; ỽynt a vydynt
aflawen. Kanys ef a|dywedir ar|bot* tam+
| « p 15r | p 16r » |