NLW MS. Llanstephan 4 – page 21r
Buchedd Dewi
21r
1
duỽ ynteu. a|e vot yn gyfrannaỽc ar
2
yr hoỻ uoesseu da. Myui a|wnn heb
3
ef mae mỽyaf dyn rat duỽ arnaỽ yn
4
yr ynys honn yỽ hỽnnỽ. a dauyd sant y
5
gelwir. Yn gyntaf ef a|dysgaỽd ỻen
6
a|berthynei idaỽ y dysgu ar y dechreu
7
A gỽedy hynny ef a|dysgaỽd y gennyf
8
inneu yr ysgruthyr lan. ac a vu athro. ac
9
yn ruuein a urdỽyt yn archesgob. a
10
mi a|weleis heb ef angel yn dyuot at+
11
taỽ ac yn galỽ arnaỽ. ac yn erchi idaỽ
12
vynet y wlat y gyuanhedu y ỻe a bar+
13
chassei duỽ idaỽ yn|teyrnas temetica.
14
Sef yỽ honno mynyỽ yn|y deheu. Eỽch
15
a|gelỽch hỽnnỽ ef yssyd yn caru duỽ
16
yn vaỽr ac yn pregethu o grist. a|myui
17
a wnn mae idaỽ ef y rodes duỽ y gras.
18
Ac yna yd anuones y seint gennadeu
19
hyt yn dinas rubi y ỻe yd oed dauyd sant
20
gỽas duỽ yn gỽediaỽ. ac yn dysgu. A
21
phan gigleu ef neges y kennadeu. ỻym+
22
ma yr atteb a rodes ef nyt amgen.
23
Nyt af|i heb ef yno ys|gỽeỻ. gennyf
24
wediaỽ duỽ yman. Ewch chỽi heb ef
25
yn tagnefed duỽ a|e garyat. Ac eilwe+
26
ith y seint a wahaỽdassant dewi sant
| « p 20v | p 21v » |