Breudwd Welsh Prose 1300-1425
Cymraeg

NLW MS. 3035 (Mostyn 116) – page 205v

Brut y Tywysogion

205v

y casteỻwẏr a|chael y|meirch a|r arueu a|r dotrefyn a|r yspeil
oỻ. y distryỽassant y casteỻ. ac yna y doeth ẏwein ap Maredud
o el·uael y chedỽch* yr arglỽyd. ỻywelyn. rac·ỽyneb y|bu varỽ gỽladus
verch ruffud ap. ỻywelyn. gỽreic y rys arglỽẏd rys ap rys mechyỻ. ac
yna am galan gayaf y bu varỽ ywein ap maredud arglỽyd
ketewein. Y|vlỽẏdẏn rac·ỽyneb y bu varỽ jarỻ clar Y|vlỽydyn
hono amgylch gỽyl andras y doeth rei o gygor·gỽyr maele+
nyd y|r casteỻ newyd a|oed y rosser mortimer y|maelenẏd a
gỽedy dyuot y|myỽn drỽy dỽyỻ y ỻadassant y|porthorẏon
ac y daỻasant hỽel ap meuryc a oed gỽnystabyl yno a|e|wreic
a|e veibon a|e verchet. A|menegi hyny a|wnaethant y|synys+
cal a|chỽnystabyl yr arglỽyd. ỻywelyn. a bryssyaỽ a|oruc y rei hẏnẏ
yno y losgi y casteỻ. a|phan gigleu y dywededic rosser hẏnẏ
dyuot a|wnaeth a|diruaỽr gedernit yn borth idaỽ hyt ẏn|ẏ
ỻe dywededic gasteỻ a|phebyỻaỽ o vyỽn y|muroed ychydic
o|dydyeu a|phan ỽybu. ỻywelyn. hynny. kynuỻaỽ ỻu a oruc a dyuot
hyt y|melenẏd a chynrẏt* gỽrogaeth gỽyr maelenẏd a gỽedy
eniỻ deu gasteỻ ereiỻ rodi kenat a|wnaeth y rosser morti+
mer y ymchoelut drachefẏn. ac ynteu drỽy arch gỽyrda
brecheinaỽc a aeth y vrecheinaỽc a gỽedy a gỽedy kymryt
gỽrogaeth y|wlat yd ymchoelaỽd y ỽyned. Y|vlỽydyn rac+
ỽyneb y kyrchaỽd Jon ystrong jeuanc a oed vaeli yna
yg|kasteỻ baldwin gyrch nos a|diruaỽr lu gantaỽ ar draỽs
keri a|chedewein a gỽedy kynuỻaỽ diruaỽr anreith ohonaỽ
ymhoelut a|oruc drachefẏn. a|phan gigleu y kymry hyny y
ymlit a|wnaethant a|ỻad y|dyd hỽnỽ o|r saesson mỽy no deu+
dec|kant y·rỽg ar y|messyd ac yn yskubaỽr aber miỽl ac yn|y
ỻe wedy hynny y|ỻosges Jon ystrang yr yscubaỽr o achaỽs