NLW MS. 3036 (Mostyn 117) – page 167
Brut y Brenhinoedd
167
eu hynny onyt pan y kymhellei aghenreit. kanys
bei as dywettỽn i yn amser ny bei reit ỽrthaỽ. tewi
a wnaei yr yspryt yssyd ymdyscu a|ffo y ỽrthyf i
pan vei reit im ỽrthi. Ac ỽrth hynny ny cheissỽys
y brenhin nae volestu nae gymhell o|e anuod y dy+
wedut daroganheu. Gofyn hagen a|wnaeth em+
reis py gyghorei am y gueith yd oed yn mynnu
y wneuthur. Ac yna y|dywaỽt Myrdin. Arglỽyd heb
ef o|mynny ti teccau bedraỽt y|guyrda hyn o tragy+
wydaỽl weithret; Anuon hyt yn iwerdon y|gyrchu
cor y kewri yssyd yno ymynyd kilara. Ar gueith
yssyd yno. nyt oes yn yr oes hon a allo y wneuthur.
ony bei ethrylith maỽr a|e harwedhei. kanys ky+
meint ynt y mein ac na cheffit kedernyt na deỽr+
ed a allei dim ỽrthunt. Ar mein hynny bei ytuynt
yma yn|y wed y maent yno guedy eu gossot yg
kylch y uedraỽt. ỽynt a|seuynt yn tragywydaỽl.
AC yna sef a oruc emreis chwerthin a dywed+
ut val hyn. Py ansaỽd heb ef y|gellit dỽyn
mein kymeint a rei hynny o le kyn bellet a|hỽnnỽ.
Ac na cheffit yn ynys prydein mein a allet gỽneuth+
ur y gueith hỽnnỽ onadunt. Ac yna y dywaỽt myr+
din. Arglỽyd heb ef na chyffroha ti ar wherthin yn
ormod yr hynny. kanyt yr guatwar nac gorwac+
ter y dywedaf i yr ymadraỽd hỽn. kanys kymysce+
dic rinwedaỽl yỽ y mein hynny a iachỽyaỽdyl. ac
adas ac amryual vedeginaeth. Ar kewri gynt a|e
| « p 166 | p 168 » |