NLW MS. 3036 (Mostyn 117) – page 213
Brut y Brenhinoedd
213
yn| y laỽ guedy y yscriuennu yn| y mod hỽn.
Lles amheraỽdyr rufein yn anuon annerch
y arthur brenhin y brytanyeit yr hyn a haed+
ỽys. enryued yỽ genhyf| i dy greulonder di a|th
ynuytrỽyd a|th syberwyt. na choffey ti ry| wneuth+
ur y saỽl sarhaedeu ry| wnaethost y rufeinhaỽl
amherodraeth pan attugost yn gyntaf eu teyrn+
get o ynys prydein y gantunt yr hỽn a gauas
vl·kessar ac amherodron ereill guedy ef a| chyn no
minheu. Ac odyna gorescyn ffreinc a bỽrguin. A
holl ynyssed yr eigaỽn. y rei a oed trethaỽl a| theyrn+
gedaỽl y rufeinhaỽl amherodraeth tra yttoedynt
yn eu racuedu. Ac ỽrth hynny yd·ym ninheu yn
ryuedu eithyr| mod hỽyret yd ỽyt yn ymchoelut
ar| dy synhỽyr ac yn ymadnabot a| thu| hunan. ka+
nys diruaỽr gỽl yỽ gỽneuthur codyant y sened
rufein ar holl uyt yn dylyu bot yn darystygedic
idi. Ac ỽrth hynny kan barnỽys sened rufein bot
yn iaỽn ittitheu wneuthur iaỽn o|r saỽl sarhaed+
eu hynny; minheu a iachaf* itti dyuot hyt yn ruf+
ein erbyn duỽ aỽst nessaf y wneuthur iaỽn o|r saỽl
sarhaedeu hynny mal y barnho sened rufein ar+
nat. Ac ony deuydy* ti yno yn| y racdywededic ter+
uyn hỽnnỽ. Ednebyd ti y deuaf i y|th teruyn ti. A phy
beth bynhac a| gribdeileisti o|th enwired. minheu
a|e dygaf trachefyn yny bỽynt kymherued y cled+
| « p 212 | p 214 » |