NLW MS. Peniarth 11 – page 133v

ỽynt a|vỽryassant vn y bop un onadunt ỽynteu. Ac ueỻy

ym·lawenhau ac ymgadarnhau o achaỽs gỽalchmei a|disgyblu

ỽrthaỽ a|orugant. Ac yna Sef a|oruc gỽalchmei taraỽ yn eu

plith a|r pump marchaỽc urdaỽl ygyt ac ef. hyt nat oed dyn

o|r a gyfarffei a|gỽalchmei. nys trawei dan draet y varch y|r|ỻa+

ỽr. neu ynteu a|e hanafei yn|dragywydaỽl. A diruaỽr lewenyd

a aeth yn|y pump marchaỽc rac daet yd|oed walchmei yn|gỽneu+

thur. Ac yna gỽalchmei a|arganuv arglỽyd y corsyd yn|dyuot

a thorof vaỽrbraff o|wyr ygyt ac ef. a gỽalchmei a|e kyrchaỽd

ac ymdaraỽ a|wnaeth˄ant yn gymeint ac yny dyrr eu pelydyr. ac

yny gyhyrdaỽd corff pob vn a|e gilyd ohonunt ỽynteu ar eu

meirch. yny dyrr y gorof ˄ol y arglỽyd y corsyd. ac yny vyd yn+

teu y·dan draet y varch yn wysc y benn y|r ỻaỽr. Ac yna yma+

vael a|r march a|oruc gỽalchmei o|anuod kỽbỽl o|r niuer. a|e

roi y vn o|e gedymdeithyon e|hun. a|hỽnnỽ a|e diolches idaỽ yn uaỽr.

ac a beris y anuon y|r casteỻ. Yna gỽalchmei a geissyaỽd pob|ỻe

a|phop torof. ac a|wnaeth o nerth arueu y dyd hỽnnỽ. yn|ytto+

ed baỽp yn ryuedu pa ryỽ beth oed. A|r pump marchaỽc a|oed+

ynt yn gỽneuthur yn gystal ac na|aỻei neb arnunt neb ryw|nei

o|r|byt. a hynny oỻ o hyder ar walchmei. ac yn kynnuỻaỽ meirch

y bỽryedigyon. ac yn eu hanuon y gasteỻ o gamalot. Yna

arglỽyd y corsyd a gyfodes o|e gỽymp ac a esgynnaỽd ar uarch

araỻ. a|diruaỽr gewilyd arnaỽ am y vỽrỽ o walchmei. Ac yna

dỽyn hỽyl y walchmei a|oruc ar|uedyr dial arnaỽ y gewilyd. ac

ymgyhỽrd y·gyt a|orugant. yny dorres arglỽyd y corsyd y wae+

ỽ ar walchmei. A gỽalchmei a|e|trewis ynteu. a dryỻ paladyr y