NLW MS. Peniarth 11 – page 146r

hynny ef a|dynnaỽd glan diỻat o|sidan ac a|e roes idaỽ o|e gỽisgaỽ. Ar+

glỽyd heb y corr nac an·esmỽythet arnat dim. kanys ef a|vyd para+

ỽt yt dy arueu erbyn pan gyuottych auory o|e gỽisgaỽ. a|myui a|af

dra|m|kevyn. a megys y bydei ef ueỻy nachaf deu was ieueingk yn|dy+

uot y myỽn. ac yn erchi y walchmei o|r gỽnelei yr hynn goreu ar y

les vynet ymeith. ac nys|godrigyassant ỽy namyn mynet ymeith.

Ac ual y byd gỽalchmei yn medylyaỽ ueỻy nachaf dỽy vnbennes

yn|dyuot attaỽ y|myỽn. ac yn|y ressaỽu. ac ynteu a|attebaỽd udunt

yn|deckaf ac y gaỻaỽd. Arglỽyd heb ỽynt duỽ a|rodo antur da ytt

mal y geỻych waret yr aruer drỽc yssyd ar y pebyỻ hỽnn. a|oes ueỻy

heb·y gỽalchmei arueruer drỽc yma. Oes arglỽyd heb ỽynteu ys+

sywaeth. eissyoes ef a|welir ynn dy|uot ti yn varchaỽc urdaỽl o|e

emendav ef. Ar hynny y kyuodes ef y ar y bỽrd yn|y ỻe yd|oed yn eisted.

a|r dỽy unbennes a|e kymerth ef erbyn y laỽ. ac a|e dugassant o  ̷+

dieithyr y pebyỻ. ac a|eistedassant ar lannerch gyt ac ef. arglỽyd

heb yr hynaf o·nadunt pỽy dy gyfenỽ di. A|vnbennes heb·y gỽalch+

mei. ef a|m gelwir i gỽalchmei. Arglỽyd heb ỽynteu mỽyaf oll

y|th garỽn. yr|aỽrhonn y gỽdam ni na|phery yr aruer drỽc hỽy

no hynn. drỽy amot dewissaỽ ohonat y vỽyaf a|gerych ohonam

ni yn dwy. a vnbennesseu heb ynteu duỽ a|dalo yỽch. ac ar|hynny

kyuodi a|oruc ef a|mynet y gysgu kanys blin a|ỻudedic oed. a gỽe+

dy y vynet ef y gysgu. ỽynteu a|eistededassant* yn ymyl y gỽely.

ac a|gynnigyassant idaỽ eu gỽassanaeth. ac ynteu nyt attebaỽd

udunt. nam˄yn y diolỽch. kanys nyt oed vedỽl ganthaỽ amgen no

chysgu. Myn vyng|cret heb·yr vn ohonunt ỽrth y ỻaỻ pei gỽalch+

mei nei y|r amheraỽdyr arthur uei hỽnn. ef a|dywedei amgen noc