NLW MS. Peniarth 11 – page 222v

tosturyus gan wraged a meibyon a morynyon. ac yn|dywedut

och duỽ. ỻỽyr y|n tỽyỻaỽd y marchaỽc a|ladaỽd y ỻaỻ yma pryt

nat ydiỽ yn dyuot. hediỽ yd oed yr oet dyd idaỽ y dyuot y gywraỽ*

y eir. ac ny dylyit vyth credu yr vn onadunt kanys ffaelaỽd

hỽnn. ac ueỻy y ffaelassant y ỻeiỻ oỻ o|e vlaen. ac y ffaela yn+

teu rac ovyn y angheu. ac ueỻy y bu laỽnslot yn|hir yn gỽaran+

daỽ arnunt. a|disgynn·u a|wnaeth ef yn|y|diwed. Ac ar hynny

ef a|welei varchaỽc urdaỽl yn disgyn o|r neuad ar hyt pont ~

grech y waeret. a|r vỽyaỻ yn|y|laỽ. Laỽnslot yna a ovynnaỽd

idaỽ. A vnben heb ef beth a|wney di a|r vỽyaỻ honno. Myn vym

penn heb y marchaỽc ti a|e gỽybydy kynn dy uynet. Mi a|vyn+

naf heb ef wneuthur ual y gỽnaethost ditheu a|r marchaỽc a+

raỻ. ae vy ỻad i yssyd y|th vryt ti heb·y laỽnslot. Ti a|e gỽybydy

heb ynteu os ef kynn dy vynet odyma. a|dabre heb ef a gostỽg

ar dal dy linyeu. ac estyn dy ỽdỽf y lad dy benn. ac ony wney

di hynny o|th vod ti a geffy a|baro ytt y wneuthur o|th anuod.

pettut ar dy vgeinuet. a mi a|debygaf na|doethost di yma onyt  ̷

y|gywiraỽ dy gret. Yna dilis oed ganthaỽ y varỽ. kanys yn|y

vryt yd oed gywiraỽ yr hynn a|adaỽssei. Ac yna heb dywedut ~

mỽy gostỽng ar dal y linyeu a|oruc laỽnslot ac erchi o|e iachỽy+

aỽdyr drugared am y bechodeu. ac hevyt ymbil a|oruc ef am

roi trugared y wenhỽyuar. a|dywedut. Och arglỽydes dec nyt

oes fford ymi y|th welet beỻach vyth. a phei gỽelsỽn i dy* vnwe+

ith kynn vy|marỽ esmỽythach vydei gennyf vy angheu. ac am

nat oes ym obeith y|th|welet vyth. tristach ỽyf noc o|m angheu.

a mi a warandaf ytti y|car vy eneit i dydi yn|y byt araỻ yn gys  ̷+

tal