NLW MS. Peniarth 12 part ii – page 54v
Ystoria Lucidar
54v
vraỽt. Magister Megys pan gyrcho amheraỽdyr dinas y dygir o|e
vlaen y goron ac arỽydon ereiỻ megys yr|adnaper drỽy y
rei hynny y dyuotyat. veỻy y daỽ crist y|r vraỽt yn|y ffuryf
yd esgynnaỽd. a|hoỻ radeu yr|engylyon ygyt ac ef. a|r engy+
lyon yn dỽyn y groc o|e|vlaen. ac yn deffroi y meirỽ o lef
ac o gyrn y|dyuot yn|y erbyn. a|r|hoỻ defnydyeu a|deffro+
ant o dymestyl gandeiryaỽc o dan. ac oeruel o bop mann
megys y|dywedir. yr hoỻ vyt a ymladant drostaỽ yn erbyn
yr ynuydyon. ac yng|glynn iosaphath y byd y vraỽt. yn
ymyl mynyd yn wastat y byd glynn. Y|glynn yỽ y|byt hỽnn.
a|r mynyd yỽ y nef. ỽrth hynny yn|y glynn. Sef yỽ hynny
yn|y byt hỽnn y byd y vraỽt. nyt amgen noc yn|yr awyr
yn|y ỻe y gossodir y rei gỽirion megys deueit ar deheu
crist. a|r rei ennwir megys mynneu ar y tu assỽ. ar y tu
deheu y vyny yn|y ogonyant. ac o|r tu assỽ y waeret yn|y
daear. a|r rei gỽirion a|dyrchefir yn|y goruchelder o dwy
asgeỻ caryat megys y dywedir. Y seint a|gymerant a+
daned megys eryrot. Y rei ennwir a ostyngir y waeret
y|r ỻaỽr o|bỽys y pechodeu y glynassant ỽrthunt oc eu
hoỻ gaỻon. discipulus Ym|pa|ffuryf yd ymdengys yr arglỽyd yno
y|r|etholedigyon. Magister Yn|y ffuryf y bu yn|y mynyd. y|r rei
ennwir hagen yd ymdengys ef yn|y ffuryf y|dibynnaỽd
yn|y groc. A vyd y groc yno. nyt amgen no|r prenn
y dibynnaỽd yr arglỽyd arnaỽ. Magister Na|vyd namyn go+
leuni ar vod y groc a hynny yn loewach no|r heul. discipulus
Paham yr barnu y mab. Magister Am vot yn gyfyaỽn y|r
neb y gỽnaethpỽyt y sarhaet idaỽ kymryt iaỽn kyt
| « p 54r | p 55r » |