NLW MS. Peniarth 14, pp.101-90 – page 170
Ystoria Adda
170
odeu dy|ryeni di. ac a|e kwyn yny uo kyflawn yr
amser. a|hwnnw yw yr olew a|edewit y|th ryeni di
ac y|eu hetiuedyon ar drugared honno yw pri+
odolder karyat. ac gwedy daruot yr angel dy+
wedut hynny wrth seth ef a|rodes trigronnyn
o|geudawt aual yn llaw seth o|ffrwyth y|prenn
yd archasei y|dat ydaw a|dywedut ydaw y|diffo+
tei adaf kyn penn y|tridieu o|r pann ergytyei
ataw. ac erchi a|oruc yr angel y|seth pan uei
uarw adaf pan gledit ef rodi y|tri|gronyn o|geu+
dawt yr aual adan wreid y|dawawt Ac o|r tri
gronnyn hynny y|tyuei teir gwialen. un ona+
dunt a|uyd o ryw cedrus. ar eil a|uyd o ryw ep+
inus. ar dryded a|uyd o ryw cipresus Drwy
y|sedrus y|dyellir y|tat o|r nef kanys
uchaf prenn y|dyuyat yw yn|y koet Drwy y
sipressus y|dyellir y map kanys melysaf pren
yw yn|y koet y|ffrwyth a|goreu y|arocleu Drwy
yr epinus y|dyellir yr ysbryt glan canys amlaf
yw y|ffrwyth yn|y koet drwy y|daear Ac gwe+
dy gwarandaw o|seth ar yr angel yn ysboni ydaw
hynny kerdet a|oruc yn diarswyt y|fford yny do+
eth ar adaf y|dat a dywedut a|oruc y|adaf kw+
byl o|r a|weles ac o|r a|dyuawt yr angel wrth+
| « p 169 | p 171 » |