Breudwd Welsh Prose 1300-1425
Cymraeg

NLW MS. Peniarth 18 – page 33r

Brut y Tywysogion

33r

namyn yr hynn a|ennillei o|e arueu. kyrchu a|or+
uc am|benn y|kestyll a|gadarnnhassei y ieirll ar
barỽnnyeit y geredigyaỽn a|e llosci. a gỽedy cly+
bot o|r brenhin hynny kyrchu deheubarth a or+
uc a llu gantaỽ. A gỽedy mynych ỽrthỽynebu o
rys a|e ỽyr idaỽ ymhoelut a|ỽnaeth y loegyr. ac
odyno yd aeth trỽy y|mor. Y ulỽydyn racỽyneb
y|darestygaỽd yr arglỽyd rys ap grufud y kestyll a|ry
ỽnaethoed y ffreinc ar draỽs dyuet. Ac y|llosges ỽy.
Yg|kyfrỽg hynny yd|arỽedaỽd y|lu y|gaer vyrdin.
Ac y|ymladaỽd ac ef. Ac yna y|doeth reinallt vap
henri urenhin yn|y erbyn. a chyt ac ef diruaỽr
luossogrỽyd o|phreinc. a|nordmannyeit. a|phlem+
issyeit. a saesson. a|chymry. Ac adaỽ a|oruc rys y
castell. a|chynnullaỽ y|ỽyr ygyt hyt ymynyd ke+
uyn restyr. Ac yna y|pebyllaỽd yg|kastell dinefỽr
reinallt iarll. a|iarll brustei. a|iarll clar. a|deu
ieirll ereill. a|chadỽaladyr ap grufud. a|hoỽel a|chy+
nan ueibon yỽein gỽyned. a|diruaỽr luossogrỽyd
o uarchogyon a|phedyt gyt ac ỽynt. a|hep uei+
daỽ kyrchu lle yd oed rys. ymhoelut adref a|or+
ugant yn ỽac laỽ. odyna kynnic kygkreir y
rys a|ỽnaethant. Ac ynteu a|e kymerth. a|chan+
nettav y|ỽyr a|oruc ymhoelut yỽ gỽlat. Y|ulỽ+
ydyn racỽyneb y|bu uarỽ madoc ap maredud
arglỽyd poỽys y|gỽr a|oed diruaỽr y|volyanrỽ+