NLW MS. Peniarth 190 – page 138
Ystoria Lucidar
138
pob peth ym·pob peth. Magister Dynolyaeth
grist yỽ hynny. a|r hoỻ eglỽys a|wledych+
ant yn dywolder. a duỽ a|vyd ỻewenyd y
baỽp y·gyt. ac ar neiỻtu. a phaỽp y·gyt
a wledychant o edrych arnaỽ ef. discipulus Beth
am y byt wedy hynny. Magister Y dorri. Kanys
megys y|bu drech gynt dỽfyr diliỽ no|r
byt. veỻy y byd uch y tan yna. bymthec
kufyt no|r mynyd uchaf. discipulus A baỻa y byt
yna o gỽbyl. Magister|Symut y defnydyeu a
phoeneu pechaỽt a|wneir. nyt amgen
noc oeruel a gwres a chenỻysc a chyn+
hyrueu a meỻt. a|tharaneu. ac anghym+
ỽynnasseu ereiỻ ỽynt a|difflannant o
gỽbyl. Y defnydyeu pur hagen a|drigy+
ant yn eu|ỻe. megys y dywedir. Ti a|e sym+
udy ỽy. ac ỽynt a symudir. Kanys me+
gys y byd angkyffelyb ansaỽd a ỻun yn
kyrff ni yna noc yr aỽr honn. veỻy y dif+
flanna yr ansaỽd yssyd yr aỽr honn. ac
y byd anghyffelyb y ffuryf rac ỻaỽ herỽ+
yd gogonyant. megys y dywedir. Ef a
| « p 137 | p 139 » |