NLW MS. Peniarth 190 – page 230
Penityas
230
ac an·wastatrỽyd y byt. ac yn enwedic
gỽarder Jessu grist. a|e dyuotedigaeth
y|r byt hỽnn o achaỽs y|pechaduryeit.
ac o|diodeifyeint crist. ac o|r ryỽ betheu
hynny. a|e vot yn baraỽt y gymryt
y bechadur ediueiryaỽc attaỽ. Ony
mynn ef gyffessu yn gỽbyl y bechodeu.
managet yr offeiryat idaỽ aruthred y
vraỽt. a phoeneu uffern herỽyd y gỽy ̷+
bot a|rodes duỽ idaỽ ef. A deu·peth a wed+
a yr offeiryat a warandawho kyffes.
nyt amgen. y gyt·nerthu a|e annoc.
Edrych di y medic kywreint pan del
att y gỽann. ef a|e gobeitha ac a|e kyt+
nertha. veỻy y dyly offeiryat kyt+
ganhorthỽyaỽ y pechadur. rac y
syrthyaỽ yn annobeith rac meint
y bechaỽt neu y afreolet. neu rac
amylder y bechodeu. Sponet idaỽ
angkreifft pedyr. yr hỽnn. a wada+
ỽd y arglỽyd yn|y wyd. a|r hỽnn
| « p 229 | p 231 » |