NLW MS. Peniarth 190 – page 29
Ystoria Lucidar
29
1
ny aỻei vot. ac nyt edewit dim yn|teyrnas
2
nef heb y lunyaethu. ac ỽrth hynny dyledus
3
vu boeni pechadur. kanny dodei neb yn|y
4
drysor gem wedy dygỽydei yn|y dom yny
5
glanhaei yn|gyntaf. discipulus Beth a|daruu yn|y
6
diwed idaỽ ef. Magister Kilyaỽ a|oruc ac megys
7
gỽas ffoaỽdyr a|da y|arglỽyd ganthaỽ yn
8
ỻedrat hyt att vrenhin creulaỽn. Yna yd
9
anuonet mab y brenhin o|r ỻys anrydedus
10
yn ol y gỽas aỻtut. ac y ostỽng y brenhin
11
creulaỽn. ac y dỽyn drachefyn y gỽas ffoaỽ+
12
dyr a|r da yn ewyỻys y brenhin. discipulus Paham
13
y gaỻaỽd dyn ymchoelut gỽedy cỽympei.
14
Magister Megys y dygỽydaỽd ef drỽy arall ac nyt
15
trỽydaỽ e|hun. veỻy y bu deilỽng idaỽ pryt
16
na aỻei gyuodi ac ef yn|y vynnu trỽy
17
ganhorthỽy araỻ. discipulus Paham nat anuones
18
duỽ angel y brynu dyn. Magister Pei angel a
19
brynei dyn. ef a vydei was dyn idaỽ. a|dylye+
20
dus vu eturyt dyn megys y bei gyffelyb
21
y|r engylyon. a|gỽann heuyt oed anyan angel
| « p 28 | p 30 » |