NLW MS. Peniarth 190 – page 32
Ystoria Lucidar
32
yr idewon mae y dedyf a|e dysgassei ỽynt yn
dogyn. a|r sarassinyeit a dywedynt y mae eu
doethineb a|e dysgassei ỽynteu discipulus A phaham
nat anodes ynteu dyuot hyt yn diwed yr
oes. Magister Ry vychan yna y disgyblynt ỽrthaỽ.
ac ny chyflenwit rif yr etholedigyon. ac ỽrth
hynny y bu reit idaỽ dyuot yng|kyflaỽnder
yr amser. discipulus Pa amser vu hỽnnỽ. Magister Ym|per+
ued y byt. discipulus Pa ffuryf y ganet ef o|r wyry. Magister
Heb vudred a heb dolur. discipulus Paham y bu ef
naỽ mis ym bru yr wyry. Magister Yr dangos y dy+
gei ef baỽp o|r a yttoedynt yng|gwarchae
trueni y byt hỽnn yng|kedymdeithas naỽ rad
yr engylyon. discipulus Pa aỽr y ganet ef. Magister|Megys
y dyweit y proffỽyt hanner nos. y doeth ef o|e
eisteduaeu brenhinaỽl. discipulus Paham y nos. Magister Y
dỽyn y rei a|oedynt yn|tywyỻỽch kyueilorn
y|oleuni gỽirioned. discipulus A oed synhwyr gan grist
ac ef yn vychan. Magister|Ef a dywaỽt pob peth
megys duỽ yn yr hỽnn yd oedynt hoỻ drysor
gỽybot a doethineb cudyedic. discipulus A aỻei ef dywe+
| « p 31 | p 33 » |