NLW MS. Peniarth 190 – page 53
Ystoria Lucidar
53
gyffelybu ac ỽynt yny del crist e|hun
a|r nithlen ganthaỽ y dethol y graỽn
pur o blith y peisswyn. ac y vỽrỽ y gỽyc
yn|y tan. ac y|dỽyn y gỽenith y ysgu+
boryeu. discipulus Gỽrthledit duỽ bop drỽc y
ỽrthyt. gan dy gyflehau yn|y nef. Ac
veỻy y teruyna y ỻyuyr kyntaf o ansa+
ỽd yr eglỽys. ~ ~ ~ ~ ~ ~ ~ ~ ~ ~ ~ ~ ~ Discipulus
B it lawen vy eneit. i. yn|yr arglỽ+
yd am ry waret nywlen an·wy+
bot y arnaf. ac am vyg|goleuhau o
baladyr doethineb. wrth hynny tegỽch
yr|eglỽys mi a|eruynnaf ytt gennat+
tau ymi govyn ytti betheu ereiỻ etto.
Magister Govyn yr hynn a vynnych a|thi a
glywy yr hynn a|chwennychych. discipulus Ef
a|dywedir am|drỽc nat dim. a ryued yỽ
y duỽ gyvyrgoỻi engylyon na|dynyon
yr gỽneuthur peth heb dim ohonaỽ.
os ryỽ beth yỽ drỽc ef a welir mae y gan
duỽ y byd. kanys duỽ a|wnaeth pob peth.
| « p 52 | p 54 » |