NLW MS. Peniarth 33 – page 92
Llyfr Blegywryd
92
meredic hỽnnỽ a|tremẏcco y|k* ̷
kẏuẏỽ* wẏs hẏb* achaỽs adỽẏn*
camlẏrẏus vẏd. ~ Y rei kẏtrẏch+
aỽl hagen varnent ẏ|dadẏl. neu ̷
tẏgent na|s gwdant rac coll cam+
lẏrẏeu. ac ẏnn|ẏr eil oet ẏnn|ẏ trẏ+
ded lẏs barnent ẏ|dadẏl heb neb
ryỽ esgus. neu ẏ brenhin a gẏ ̷+
mero el·chỽẏl ac a|gẏnhalẏo ga+
uel paỽb ohonunt hẏnnẏ var+
nont ẏ|dadẏl honno a|e|theruẏ ̷ ̷+
nu ẏn gỽbẏl. Nẏt oes amgen
boen na dial onnẏt kẏmẏell* trỽẏ
gẏureith am wassanaeth diffẏc
neu dẏlẏet neu rent ẏ brenhin
onnẏ wedir ẏnn|ẏ erbẏn. eithẏr
gwassanaeth a|diffẏccẏo ac nẏ a ̷ ̷+
ller ẏ enill. ~ Nẏ|dẏlẏir rẏdhaỽ*
gauel a gẏmerer dros vn o|r tri
diffẏc hẏnn. hẏnnẏ wnelher cỽ+
bẏl drosti. ~ ~ ~ ~ ~ ~ ~ ~ ~ ~ ~ ~ ~ ~
K ẏn bo lliaws vn vreint o ̷
vrawdwẏr o|vreint tir ẏn+
n|ẏr vn vraỽt. vn eissoes a
| « p 91 | p 93 » |