NLW MS. Peniarth 35 – page 7r
Llyfr Cynog
7r
ynant na medyant it o·honaỽ. Na dim y| m+
inheu drostaỽ. A minheu yn wir perchenn+
aỽc arnaỽ. A| thitheu yn am perchennaỽc idaỽ.
Minheu a dodaf ar y kyfreith. pa un ianhaf* a|e per+
chennaỽc cael y perchennogaeth ny bo na
phrit na gwerth. Na rod na benffic ymdanaỽ.
A|e am perchennaỽc cael gwarchadỽ da ny bo
eidaỽ. Na gwarant nac ardelỽ kyfreithaỽl idaỽ o+
honaỽ [ ardelo yr amdiffynnỽr yỽ. Ti
wertheist ymi dauat a mach ym ar ulith ac
oen yn| yr amser y dylyỽn genti yr oen a| ho+
ly ti. ymi ny bu uedyant na mỽynant it
arnaỽ. Ny anet ac ny magỽyt eiroet ar de
helo*. Ar uy helo y ganet ac y magỽyt. Ac
os lledrat a holy mi a dodaf ar kyfreith. Na ellir ar
eni a meithrin haỽl ledrat. Os drỽy aghyfarch
y holy. mi adaf ar y kyfreith. Nat aghyfarch y peth ny
dyker o uedyant arall. Ac na bu hỽnnỽ y|th ue+
dyant titheu Os trỽy coll y holy mi a dodaf ar
y kyfreith. Na dylyy holi y peth ny chollych. Ac o dywe+
dy ti y colli; mi a| wnaf cadỽ kyn coll. Ac yn| y lle
ny bo un o|r tri hynny. mi a dodaf ar y kyfreith. pỽy ys+
syd perchennaỽc a|e miui ar gwarchadỽ yn
llaỽ. A|e titheu yn llawac o·honaỽ. Ac yuelly
| « p 6v | p 7v » |