NLW MS. Peniarth 35 – page 89r
Llyfr Iorwerth
89r
int y lledrat no Breint y llosc. Pỽy| byn+
hac a losco ty a llosgi o hỽnnỽ arall. Ta+
let ef y ty a| ennynnỽys a chanyt oed
eidunt hỽy y tan y rei bioed y ty. Bit
tan gwyllt o hynny allan ac na tha+
let neb yỽ gilyd. Pỽy| bynhac a rodo
tann y arall y losgi ac ef gan y adef
Talet y trayan. Pỽy| bynhac a kneu+
ho tan y myỽn ty ny bo eidaỽ. hyt ym
penn y teir nos ar tri dieu goruot bot
drostaỽ. Pỽy| bynnac a adaỽho tan yn
odyn kynn bo gan arall y llosgo. Ac
na chymero cret y gan y neb a cras+
sei ar·naỽ gỽedy ef. Talet y trayan+
werth y tan hỽnnỽ. Pỽy| bynhac a
dycco tan yn anghyuarch Talet y we+
ithret a|e anghyuarch. Pỽy
bynhac a archo tan o ty; Ef bieu ta+
lu y weithret gwedy roder idaỽ. Pỽy
bynhac a| uenffykyo tan deuet heb
haỽl heb arhaỽl arnaỽ. Pỽy| bynhac
a| gymerho adneu attaỽ. Talet yr y
losgi ual kynt. O deruyd ennynnu ty
ym plith tref. Talet ef y deu ty nessaf
a erbynnỽys y tan ac o hynny allan yn
tan gwyllt ac ny diwygir hỽnnỽ.
| « p 88v | p 89v » |