NLW MS. Peniarth 36A – page 23r
Llyfr Blegywryd
23r
O pob ascỽrn is creuan pedeir keinhaỽc
kyfreith. a geiff. Kyfreith a dyweit bot yn vn
werth aelodeu pob dyn ae gilyd. Or trychir
aelaỽt y brenhin y vot yn vn werth ac
aelaỽt y bilaen. Eissoes mỽy yỽ gỽerth
sarhaet brenhin neu vreyr. no sarhaet
bilein or trychir y aelaỽt.
E Neb a gnithyo dyn talet y sarhaet
yn gyntaf. kanys drychaf a gossot
yỽ sarhaet dyn. A cheinhaỽc yg|kyfeir
pob bys a el yn| y pen. a dỽy yg|kyfeir y
vaỽt. A cheinhaỽc dros pob blewyn
bonwyn a tynher oe pen. A phedeir
ar| hugeint yg|kyfeir y gỽallt taldrỽch.
Dyrnaỽt a gaffer o anuod nyt sarha+
et. iaỽn yỽ hagen diuỽy y gỽaet ar weli
ar greith o gyfrach* y byd. Dewisset
paỽb y sarhaet. ae o vreint y penkene+
dyl. ae o vreint e| hunan ae o vreint
y sỽyd or byd.
Galanas penkenedyl a telir o tri
naỽ mu a thri naỽ vgein mu
| « p 22v | p 23v » |