Breudwd Welsh Prose 1300-1425
Cymraeg

NLW MS. Peniarth 36A – page 27v

Llyfr Blegywryd

27v

veint hon. a chadarnhau hynny ar y| gret
ac vch creireu. os gỽatta gỽedy hynny;
kymeret hi y creireu a thyget idaỽ adaỽ
y veint hon. ac velly ny eill ef dim yn| y
herbyn. kanys credadỽy yỽ y thystolya  ̷+
eth hi e hunan yn| y lle hỽnnỽ. Y neb a
dycco treis ar wreic. y hamobyr ae| dirỽy
a tal yr arglỽyd. ac yr wreic y tal y sarha+
et. ae hegỽedi. ae dilysrỽyd. Os gỽadu a
vyn y gỽr. ac os kadarnha y wreic yn| y
erbyn kymeret hi gala y gỽr yn| y llaỽ
asseu. a thyget hi yr dỽyn treis o·honaỽ
ef erni. hi. Ac velly ny chyll hi dim oe ia  ̷+
ỽn. Y neb a watto treissaỽ gỽreic; rodet
lỽ deg·wyr a deu vgeint neu dirỽy treis.
Nyt oes yg|kyfreith hywel da yspadu
gỽr yr treissaỽ gỽreic. O tri achaỽs ny
chyll gỽreic y hegỽedi. kyt adaỽho y gỽr
o glafri. ac eisseu kyt a dryc·anadyl.
Teir gỽeith y keiff gỽreic y hỽynebwerth
kyntaf wheugeint. yr eilweith. punt.
y tryded weith y dichaỽn adaỽ y gỽr a