NLW MS. Peniarth 36A – page 33v
Llyfr Blegywryd
33v
Breint oet y braỽt hynaf a wna y brodyr
ieuaf yn ampriodoryon. ac ae gỽna ynteu
yn vn priodaỽr ar datanhud o gỽbyl. Or
daỽ y brodyr ieuhaf kyn nor hynaf y
gymryt datanhud. py| bryt bynhac yd| el
ynteu ef ae gỽrthlad oll ac a geiff datan ̷+
hud o gỽbyl. Os y gyt y gofynant ygyt
y kaffant mal y dywetpỽyt vry. Y bra ̷+
ỽt hynaf heuyt yssyd vab kyssefinaỽl.
ar ieuhaf yssyd eilyaỽl. ac ỽrth hynny
y dywedeis. ny eil* datanhud gỽrthlad
y kyntaf. Yr holl vrodyr ieuhaf am ̷+
priodoryon ynt ar gaffel datanhud.
kyt kaffo pob vn y ran. ac ỽrth hyn ̷+
ny y dywedir na ỽrthlad ampriodaỽr
ampriodaỽr arall.
DEu dyd yssyd nyt amgen naỽuet+
dyd racuyr a naỽuetdyd mei y dy+
lyir dechreu gofyn etiuedyaeth o tir
trỽy ach yndunt. kanys os o vaes
yr dydyeu hynny y dechreuir y ryỽ
ofyn hỽnnỽ ny weryt. Y neb a ofynho
| « p 33r | p 34r » |