NLW MS. Peniarth 36A – page 37r
Llyfr Blegywryd
37r
uedyon ar tir. nyt oes vn iaỽn y vn o·ho+
nunt ar ran y llall ac etiued idaỽ eithyr o
atran pan del y hamser. Pỽy bynhac
hagen ny bo idaỽ etiued o gorff y|gyt+
etiued nessaf o vyỽn yr teir ach or kyff
a vydant yn lle etiuedyon idaỽ. Ny dich ̷+
ỽn neb o gyfreith dilyssu tir yn erbyn y eti ̷+
uedyon y arall onyt ar eu kyt·les. neu oe
duundeb. neu o aghen kyfreithaỽl. na
rodi dim o·honaỽ ar yspeit heb teruyn
gossodedic y gallo y etiuedyon y dillỽg.
Os dros da y rodir rac aghen. ac na dotter
arnaỽ namyn deu parth y werth. Onyt
velly y byd. y etiued ae keiff pan y gof ̷+
ynho o dichaỽn gỽrtheb drostaỽ yn gyf ̷+
reithaỽl. Y neb a gaffo y tir dylyet trỽy
dadleu yn llys. ac na allei y gaffel heb
hynny. ny dyly talu prit drostaỽ. ac ny
dyly gollỽg dim o da kyffro a ordiwedho
ar y tir yr kynhalyaỽdyr. Pỽy bynhac
a pressỽylho ar tir dyn arall heb y gan ̷+
hat dros tri dieu a their nos. holl da
| « p 36v | p 37v » |