Breudwd Welsh Prose 1300-1425
Cymraeg

NLW MS. Peniarth 36B – page 28

Llyfr Blegywryd

28

hyny enynho. ỽythuet yỽ rodi
y tan yr neb a losco ac ef. Naỽuet
yỽ etrych ar y llosc gan y odef.
Pỽy bynac a watto vn or affeitheu
hyn; rodet lỽ degwyr a deu vgeint.
Y neb a latho tan neu ae whytho
hyny enynho. neu a rotho tan yr
neb a losco ac ef. hanher y collet
a|wnel y tan a tal. ar hanher arall
a|tal y|neb a|losco ac ef. A hỽnnỽ yỽ
cỽbyl weithret llosc. Ac ony byd
neb arall yn affeithaỽl gyt ac ef;
talet e|hunan oll y collet a del or
llosc. ony dichaỽn ymdiheuraỽ
trỽy reith gỽlat.
Kyntaf yỽ o naỽ affeith lletrat
amkanu ỽrth kedymdeith
yr hyn a geisser yn lletrat. Eil
yỽ duunaỽ am y lletrat. Trydyd
yỽ rodi bỽyllỽrỽ y letratta. Pet  ̷+