NLW MS. Peniarth 36B – page 35
Llyfr Blegywryd
35
gellir profi hynny trỽy wlat. eu
gỽrthneu a ffynha. Yg|kyfreith ru ̷+
uein y keffir; lle nyt enwer rif
tyston; vot yn digaỽn deu tyst.
Y gyfreith hon a dyweit. nat cỽbyl
tystolyaet* vn tyst. Naỽ nyn ys ̷+
syd a gredir pob vn yn dỽyn tys ̷+
tolyaeth gan tygu. kyntaf yỽ
arglỽyd rỽg y deu ỽr trỽy na bo
kyfrannaỽc ar y dadyl. neu ar
hyn y bo y dadyl ymdanaỽ. ot
adef y gỽyr ry|uot eu kynhen y ̷+
n|y ỽyd kyn no hynny ac na bont
vn dull. ac or gỽatta vn yn er ̷+
byn y llall. dir yỽ idaỽ tygu yg
gỽyd yr arglỽyd. Yspeit naỽ
nieu a geiff yr arglỽyd am y|lỽ.
y vedylyaỽ py uod y tygho. Oet
yssyd y offeirat am y lỽ hyt yr
amser y gallo ganu efferen.
| « p 34 | p 36 » |