Breudwd Welsh Prose 1300-1425
Cymraeg

NLW MS. Peniarth 38 – page 43r

Llyfr Blegywryd

43r

arall heb ganhat; talet drostaỽ lỽdyn byỽ vn ryỽ
ac vnỽerth ac ef. a|thri buhyn camlỽrỽ y|r bren+
hin. Y neb a gyllello anifeil marỽ dyn arall; ta+
let anifeil vn ryỽ ac ef drostaỽ. a|thri buhyn ~
camlỽrỽ y|r brenhin. ~ ~ ~  
O En tra dynho; keinhaỽc. kyfreith. a|tal. pan ~
ỽahaner; dỽy geinhaỽc. kyfreith. aỽst; pedeir ke+
inhaỽc. kyfreith. Teithi dafat; kymeint yỽ a|e gỽe+
rth. Teth dafat; dỽy geinhaỽc. kyfreith. ~ ~ ~ ~ ~  
M yn tra dynho; keinhaỽc cotta a tal. pan
ỽahaner; dỽy geinhaỽc cotta. aỽst. pe+
deir keinhaỽc cotta. Teithi gafyr; kymeint
yỽ a|e gỽerth. Teth gafar; dỽy geinhaỽc cot+
ta. vn ỽerth yỽ gafyr a iỽrch. ~ ~ ~  
P archell yn|y groỽyn; keinhaỽc. kyfreith. a|tal.
O|r pan el allan; hyt pan atto dynu; dỽy geinhawc
kyfreith. pan atto dynu; pededeir* keinhaỽc. kyfreith.
a tal hyt ỽyl ieuan y moch. Odyna hyt galan
ionaỽr; dec keinhaỽc. kyfreith. Odyna hyt ỽyl ie+
uan y moch elchỽyl; deudec keinhaỽc. kyfreith.
ac yna deuparthaỽc vyd yr eneit ar y kic.