NLW MS. Peniarth 38 – page 68v
Llyfr Blegywryd
68v
Eil yỽ gỽadu geu gan tygu trỽydaỽ berued. Try+
dyd yỽ tygu peth petrus herỽyd kytỽybot. yr hyn
ny ỽypper beth vo ae gỽir ae geu. ~ ~ ~ ~
T ri lleidyr kamlyryus yssyd. lleidyr ki. a lleidyr
llyssyeu yn|y tyfhont ar dayar. a|lleidyr y tyster
arnaỽ yn gỽadu lledrat ony|s llyssa. Tri lleidyr di ̷+
rỽyus yssyd. lleidyr hyd brenhin gỽedy a|s llado y gỽn.
a lleidyr a lado llỽdyn dyn arall yn|y ty. neu yn y vu+
arth. yn lledrat. a|lleidyr a pallo y reith idaỽ. Tri
lleidyr gỽerth yssyd. lleidyr y kaffer dogyn vanac ar+
naỽ trỽy eglỽys. a chytleidyr lleidyr a|groccer am le+
drat. a lleidyr y|dalher gỽerth pedeir keinhawc. kyfreith.
gantaỽ neu lei o|da marỽaỽl yn lledrat. Tri lleidyr
crogadỽy yssyd. lleidyr da byỽaỽl a dalher llỽdyn
ar|y|liỽ gantaỽ. a|lleidyr da marỽaỽl a|dalher gỽerth
pedeir keinhawc. kyfreith. gantaỽ. neu a|vo mỽy. a|lleidyr
da byỽaỽl a|dalher croen ar y liỽ gantaỽ. ac ny di* ̷ ̷+
heuer am y|llỽdyn yn gỽbyl. Tri|lleidyr a dieinc o
letrat kyfadef. reudus a grỽyttro teir tref naỽ
tei ympop tref heb gaffel alussen a|e gỽareto na
gỽestua. kyn dalher a|lledrat ymborth gantaỽ; ryd
vyd y reudus o gyfreith. a|lleidyr edyn eithyr talu
| « p 68r | p 69r » |