Breudwd Welsh Prose 1300-1425
Cymraeg

NLW MS. Peniarth 45 – page 58

Brut y Brenhinoedd

58

1
phaỽb yn uodlaỽn idaỽ y bu uarỽ peredur.
2
Ac yna y doeth elidyr y trydeweith yn urenin.
3
A phan aeth o|r byt yd edewis agreiffeu da
4
yn ol. Ac gỽedy marỽ elidyr y doeth rys
5
uab gorbonyaỽn yn urenin. A hỽnnỽ a ymlyn+
6
ỽys gweithredoed elidyr y ewythyr. Ac gỽe+
7
dy rys y doeth margan uab arthal yn urenin.
8
A hỽnnỽ o dysc y ryeni a wnaeth kyfiaỽnder.
9
Ac gwedy margan y doeth y* doeth* einaỽn
10
y uraỽt yn urenin. A phellau a oruc ef y ỽrth
11
weithredoed y uraỽt ac am y creulonder y
12
byrỽyt yn|y chwechet ulỽydyn o|e urenhin+
13
yaeth. Ac y doeth idwal uab owein y gar y+
14
n|y le yn urenin. A hỽnnỽ a wnaeth iaỽnder
15
rac damwein y gar. Ac yn ol idwal y doeth
16
run uab peredur. Ac yn ol Run y doeth gere+
17
int uab elidyr. Ac yn ol Gereint Cadell y
18
uab. Ac yn ol cadell. Coel. Ac yn ol coel y
19
doeth porrex. Ac yr porrex hỽnnỽ y bu tri
20
meib. fulgen. Ac eidal. ac andryỽ. Ar rei hy+
21
nny a wledychws pob un wedy gilyd. Ac gỽe+
22
dy wynteu y doeth uryen uab andryỽ. Ac
23
yn|y ol ynteu y doeth elỽyt. Ac yn|y ol yn+
24
teu y doeth cledaỽc. Ac yn ol cledaỽc Clydno
25
ac yn ol Clydno Gorust. Ac yn ol gorust