NLW MS. Peniarth 46 – page 238
Brut y Brenhinoedd
238
1
uedyginaetheu. a|r keỽri gynt a|e du+
2
gant o eithafuoed yr ynys honno. ac
3
a|e gossodassant yno pann yttoedynt yn
4
pressỽylaỽ yn iỽerdon. Sef achos oed hyn+
5
ny pann delei heint na chleuyt. ar un|o+
6
nadunt y|gỽneynt enneint ym pedra ̷ ̷+
7
ual y|mein. ac y golchynt y|mein y|my+
8
ỽn yr enneint. ac yn|y dỽfỽr rinỽedaỽl
9
hỽnnỽ y|kai y claf yechyt o bop kyuryỽ
10
cleuyt o|r a|uei arnaỽ. ac odyna y|kymys+
11
git llysseuoed a|r dỽfyr hỽnnỽ. ac a|hỽn ̷+
12
nỽ y|iecheit gỽelioed y|rei brathedic.
13
Canyt oed yno un maen hep rinỽed
14
arnaỽ. a gỽedy clybot o|r bryttannyeit
15
bot y|ryỽ gynnedueu hynny ar|y mein.
16
ỽynt a aethant y|ỽ kyrchu. ac y ym ̷+
17
lad ac gỽyr iỽerdon o|cheissynt eu llud+
18
yas. ac y detholet uthur penndragon
19
braỽt y brenhin. a phymthec mil o|ỽyr
20
aruaỽc gyt ac ef y uynet y|r|neges honno.
21
a Myrdin gyt ac ỽy hyt pann uei trỽy y|synn ̷+
| « p 237 | p 239 » |