NLW MS. Peniarth 46 – page 3
Brut y Brenhinoedd
3
eit. a|ssaesson. a ffichyeit*. ac yscottye+
it. ac o|r rei hynny oll y|bryttannyeit
a|e gỽledychỽys o|vor rud hyt y|mor y+
werdon hyt pan deuth dial y|gann duỽ
arnadunt am eu syberỽyt y gann y|fich+
teit. a|r saesson. a megys y|deuthant y
gormessoed hyynny*. ni a|e danlleỽych+
ỽn rac llaỽ. Yma y|teruynha y|proloc
ac y dechreulu ystoria eneas. ~ ~ ~ ~
neas* yscỽydỽynn gỽedy daruot
ymladeu troea. a|e distryỽ. y|r ga+
er y|foes. ac yscannus y vab y
gyt ac ef. ac y doethant ar longeu
hyt y|gỽlat yr eidal yr honn a|elỽir yr
aỽr honn gỽlat rufein. ac yn|yr amser
hỽnnỽ yd oed latinus yn vrenhin yn
yr eidal y gỽr a aruolles eneas yn anry+
dedus. ac yna gỽelet o turn vrenhin
rutyl hynny kyghoruynnv a oruc. a
llittyaỽ ac ymlad ac ef. a goruot a|or+
uc eneas a llad turn vrenhin rutyl.
| « p 2 | p 4 » |