NLW MS. Peniarth 47 part i – page 1
Ystoria Dared
1
*Paỽb a|ufydhaaỽd y|orchymyn y brenhin.
Priaf a|diolches vdunt ac a|anuones ni+
uer hyt y|ghoet yr yndia y|torri gỽyd def+
nyd y|r llogeu. ac anuon a|oruc ef ector
hyt yn frigia y|gyfansodi llu ac y|parat+
toi. a gỽedy klybot o|gassandra kyghor y
that dechreu a|ỽnaeth hi menegi yr hynn
a|deuei y|ỽyr troya rac llaỽ os priaf a|dri ̷ ̷+
gei ar|y|uedỽl y anuon llyges y|roec.
Y G kygfrỽg* y|petheu hynny amser
a|doeth y|adeilat y|llogeu ac ymgyn+
nullaỽ a|orugant ygyt y|marcho+
gyon a etholasseint alexandyr. a deiphebus
yn poemia. a gỽedy gỽelet amser y allel
morỽydaỽ*. priaf a|ymadrodes ỽrth y|lu. ac
a ansodes alexandyr yn amheraỽdyr ar
y|llu. ac a|oruc ygyt ac ef deiphebus. ac
eneas. a|pholidamas. a|gorchymyn a|oruc
ef y|alexander mynet yn gynntaf hyt
yn liconia y|dinas yparta. at castor. a ̷ ̷
pholux y adolỽyn vdunt ỽy talu esio ̷ ̷+
nia dracheuen. a|gỽneuthur yaỽn y|ỽyr
The text Ystoria Dared starts on line 1.
| p 2 » |