NLW MS. Peniarth 6 part iv – page 26
Geraint
26
a wnaeth y blaenaf onadunt a gossot ar Ereint. Ac ynteu a|e
herbynyaỽd ac nyt mal gỽr llesc. A gollỽg y gossot heib ̷+
aỽ a oruc. A gossot a oruc ynteu ar y marchaỽc ym per+
ued y taryan hyny hyllt y taryan ac yny tyrr yr arueu
ac yny vyd dogyn kyfelin vaỽr yndaỽ o|r paladyr. Ac
ynteu dros pedrein y varch y|r llaỽr yn varỽ. A|r eil mar ̷+
chaỽc a|e kyrchỽys ynteu yn llityaỽc am lad y getymde ̷+
ith. Ac ar yr vn gossot y byryaỽd ef hỽnnỽ y|r llaỽr ac
y lladaỽd mal y llall. A|r trydyd a|e kyrchaỽd ac yuelly
y lladaỽd. Ac uelly heuyt y lladaỽd y petweryd. Trist ac
aflawen oed enyd yn edrych ar hynny. Disgynnu a or+
uc Gereint. A diot arueu y|gỽyr lladedic. Ac eu dodi yn eu ky+
frỽyeu A ffrỽynglymaỽ y|meirch a oruc. Ac escynnu ar
y varch. A weldy a|wnelych ti heb ef. Gyrr y petwar meirch
rac dy vron. A cherda o|r blaen mal y hercheis itt gynneu
Ac na dywet ti vn geir ỽrthyf|i hyny dywettỽyf|i ỽrthyti.
Y|m kyffes y duỽ os hynny ny wney; ny byd diboen itti.
Mi a|wnaf vyg gallu am hynny arglỽyd. ỽrth dy gyg+
hor ti heb hi. ỽynt a gerdassant racdunt y coet. Ac adaỽ
y coet a orugant. A dyuot y|wastattir maỽr. Ac ym perued
y gwastattir yd oed byrgoet penteỽ dyrys. Ac y ỽrth
hỽnnỽ y gỽelynt tri marchaỽc yn dyuot attadunt yn
gyweir o veirch ac arueu hyt y llaỽr ym·danadunt ỽy
ac am eu meirch. Sef a oruc enyd edrych yn graff ar ̷+
nadunt. A phan doethant yn agos. Sef ymdidan a|gly+
wei ganthunt. LLyma doefot* da inni yn segur heb ỽynt
y Petwar meirch a|r petwar arueu yr y marchaỽc racco
rat y kaffỽn ỽynt. A|r vorỽyn heuyt yn an medyant y
| « p 25 | p 27 » |