NLW MS. Peniarth 9 – page 47v
Ystoria Carolo Magno: Can Rolant
47v
ui a chedernyt rolond yr hỽn yssyd vaỽrhydic
o|y clot ar yr gerdỽys idaỽ yn honneit na ellir
goruot arnaỽ nac ar y ryuyc. Ac y may y
minheu heb y marsli petwar can mil o pa+
ganyeit ac atoyth yssyd gyn deỽret a|chyn
gyfrỽysset yn arueu ac na ellit kaffel
marchaỽclu a vei tegach noc hỽynt. Po+
ny thebygut titheu gallu o·honof inheu
ym erbynneit ymrỽydyr a charlymayn
a|y lu. Peth ambell heb y gỽenwlyd nyt
heb ormod collet y gellynt aỽch anffydlon+
nyon y chwi ym·gyuaruot ar saỽl ffydlon+
nyon hynny. Reit yỽ y chwi goruot o ystry+
ỽ y neb ny ellỽch y orchyuygu o gedernyt.
Rodỽch oc aỽch da y charlymayn rodyon
kymeint val na bo yn|y holl lys ef neb ny
hoffo eu meint. Ac ot anuonỽch y gyt a hyn+
ny dec ỽystyl o ỽystlon ef a ymchoyl y ffre+
inc. Ac o|y deuaỽt ef a edeu yn|y ol y ran o+
reu o|y varchaỽclu y amdiffyn y rei blayn
rac brat yn ol. A minheu a gredaf heb ef
panyỽ rolond ac oliuer a vyd tyuyssogy+
on ar y cadỽ yn ol. Ac ny allant hỽynteu
ymdianc y gennyt ti o mynỽch ymgy+
uaruot ac hỽynt yn ỽraỽl. Ac o dam+
weina yỽch dygỽydaỽ rolont oc aỽch
nerth ef a orffowys bygỽth charlyma+
yn ac nyỽch aflonyda o hyny allan.
Ac ef yn yr ymdidan hỽnnỽ Sef a oruc
| « p 47r | p 48r » |