NLW MS. Peniarth 9 – page 64v
Ystoria Carolo Magno: Chronicl Turpin
64v
honno keluydyt o|r syr o·hono yd ednybydir dam+
weineu a|thyghetuenneu ra* llaỽ. a chyndrycha+
ỽl da a drỽc ym pob lle. A vo kyuarwyd yn honno
pan el y hynt. neu pan damuno wneuthur peth ar+
all ef a ednebyd val y darffo idaỽ. O gỽyl deu ỽr
neu deu lu ym* ymlad ef a ỽybyd pỽy a orffo
onadunt neu a oruydei arnadunt. O|r geluyd+
yt honno yd atwaynat amherodron ruuein
ansaỽd eu gỽyr yn eithauoyd bydoyd ar bren+
hinaytheu eithaf. Ac ar ychydic o amsser
wedy hyny y dangosset y tỽrpin archescob
agheu charlymayn. Pan yttoyd diwarna+
ỽt gyr bron y allaỽr yn vien yn gỽediaỽ ac
yn canu dechreu aỽr nachaf val llewyc idaỽ.
A|thray geuyn bydin anneiryf y meint o var+
chogyon yn kerdet heibyaỽ. Ac adnabot eu bot
yn kerdet parth a|lotaringia. A gỽedy eu myn+
et heibyaỽ arganuot a oruc vn tebic y vleỽ+
mon yn eu canlyn yn llibin. A gouyn a oruc tỽr+
pin y hỽnnỽ pa du yd eynt ni a aỽn heb ynteu
hyt yn dỽuyr y graỽn erbyn agheu charly+
mayn a dỽyn y eneit y uffern. Minheu a arch+
af y titheu heb y tỽrpin yn enỽ yr arglỽyd grist
pan teruyno ar aỽch hynt dyuot yma attaf
vi y venegi beth a vo oc aỽch hynt. Ac ny bu
odric arnadunt namyn o vreid teruynu y sa+
lym nachaf ỽynt yn dyuot dracheuyn yn
yr ansaỽd yd athoydynt yno. Ac ỽrth yr vn
y dywedyssei ỽrthaỽ. gynneu am eu neges. y
| « p 64r | p 65r » |