Oxford Rawlinson MS. B 467 – page 36r
Campau'r Cennin
36r
gẏmeint ẏỽ·eỻau golỽc. Ef a|dỽeit* plu+
mus gỽr doeth o|r geluẏdẏt bei dottit het
o|r bettoni ẏghlch* neidir mae kẏnt ẏ|bẏ+
dei varỽ noc yd|ai drosti. Y neb a vẏno
karthu ẏ gẏỻa kẏmer·et haner ỽnce o
bỽdỽr gỽreid ẏ bettoni a sucẏr mẏỽn
dỽfẏr ẏ ẏuet ef a|vỽrỽ a|vo o drỽc ẏn|ẏ
gẏỻa. Funẏgẏl ẏssẏd ỽressaỽc ẏ*|sẏch
ẏn ẏr eil rad. da rac gỽenỽẏn ẏ verỽi
mẏỽn gỽin a|e ẏfet a da ẏỽ ẏ sugẏn
y·ghẏmẏsc a mel a roi mẏỽn ỻẏgeit
a vo tẏỽyỻ ẏ golỽc. a da ẏỽ sugẏn hat
ẏ|funẏgẏl ẏ gẏmẏscu a gỽin a|mel
rac pob heint ỻẏgeit. da ẏỽ ẏ sugẏn
ẏ lad prẏfet ẏn|ẏ klusteu o vẏnẏch
iraỽ. da ẏỽ ẏ gỽreid ẏ verỽi mẏỽn gỽ+
in ar les ẏr arenneu. Ros ẏssẏd o+
er a sẏch ẏn|ẏ rad gẏntaf a da ẏỽ ẏ bỽ+
| « p 35v | p 36v » |