Oxford Rawlinson MS. B 467 – page 74v
Meddyginiaethau
74v
kymer deil a vo yn dỽyn plỽmmẏs
gwynion a llinhat a a berỽ meỽn laeth* ga ̷+
fyr gwynn a dod ẏn dỽym ar ẏ|dolur ẏ|lanhau brath
kymer hen vlonec moch. a cens. a|chwẏr a
dod igẏt ar ẏ|tan i|ffriau. a gỽedy hẏnnẏ gỽ ̷+
asc ef drỽẏ liein a|phann vo ẏn|oer gỽasgara
ef ar ỻet ar lẏwan a|symmut ef ddỽẏỽeith ẏn|ẏ
dẏd a|thỽẏm ef a dod drachefẏn ar ẏ dolur.
Kẏmer sud ẏ|dẏnat. a|r|cerfoyl. a|r [ arall
walwrt. a mel gloẏỽ. a gỽẏnn wẏ. a|gỽin
ac o|bob vn gẏmmeint a|ẏ gilẏd. a dod igẏt
ac ef gann gỽenith. ac o hỽnnỽ did* ar ẏ
brath ẏ|bore a|r nos. ac o|r|bẏd ẏ|brath ẏn
pẏdru o essueu* i|gadỽ. dod wrthaỽ apostoli+
con. neu. r. cerifoẏl Meddeginẏaeth i ago+
ri bratheu ac i|dẏnnu ohonunt haẏarn
| « p 74r | p 75r » |