Cambridge Trinity College MS. O.7.1 – page 6v
Llyfr Blegywryd
6v
neu gefynderỽ. neu gefnithterỽ.
neu gyferderỽ. Ewythyr yỽ braỽt
tat. neu vam. neu hen·tat. neu hen+
vam. neu orhentat. neu orhenuam.
Hyn yỽ meint ran pob vn or rei
hynny oll. Pỽy bynhac a uo nes o
vn ach yr llofrud neu yr lladedic.
nor llall. hỽnnỽ a tal neu a erbyn
deu kymeint ar llall. Ac velly y mae
am paỽb or achoed ac eu haelodeu.
Plant y llofrud neu y lladedic; ny
dylyant talu dim nae erbynyaỽ
o tal galanas. kanys ran y llofrud
yr hỽn a tal mỽy noc vn arall A seif
drostaỽ a* seif* drostaỽ* ef ae plant.
A phryder y rei hynny heuyt a per+
thyn y vot arnaỽ ef. Pryder plant
y lladedic a perthyn y vot ar y ryeni.
ae gyt etiuedyon. Can caffant tray+
an y alanas a gỽerth cỽbyl y sarha+
et. Ac ỽrth hynny ny thal etiuedyon
vn o·honunt ac nyt erbynya dim
o alanas. Or byd car yr llofrud neu
| « p 6r | p 7r » |