BL Additional MS. 19,709 – page 41r
Brut y Brenhinoedd
41r
dunt ac ereiỻ a vyrryỽyt y ynyssed aghyffye+
ith ym plith estraỽn genedyl. ac yno y|merthyrỽ+
yt y|rei hẏnnẏ. ereiỻ a|ettelit yg|keithiwet. ere+
iỻ yg|karchar. ac ereiỻ onadunt a|gyfaruu a|dir+
uavr lyges a anuonassei gratian amheravdyr hyt
yn germania y ryfelu ar yr aruordir yn erbyn
y|neb a|wedassei y vaxen ac ar a|e kanharthvyssei
ac ef a|e wyr. Sef oed yn tywyssogyon arnadunt
gvinwas a|melwas. a gvinwas oed vrenhin ar
y|wlat a elwir hunavt. a melwas oed vrenhin
ym peitaỽ. a gvedy ym·gyfaruot o|r morynyon
a|r yskymynedic bobyl honno yn|y mordỽy hvnỽ
gvedy gvelet onadunt eu teccet keissav a|wna+
ethant ymrawethu vrthunt ac eilenwi eu go+
dineb. a|gỽedy na mynhei y morynyon kyt·syn+
yaỽ ac vynt yn yr ewyỻis honno. Sef a wnaeth
y bratwyr hynnẏ ỻad y ran vvyaf onadunt. ac
yn dianot pan glyỽsant bot yn anreithedic o|e
marchogyon ac yn wedỽ o|e hymladwẏr Sef a
wnaethant bryssyav eu hynt parth ac ynys. prydein.
a|chymrẏt y·gyt ac vynt y|porth vvyaf a aỻys+
sant y gaffel o|r ynyssed yn eu kylch a dyuot
y|r alban y|r tir. a|dechreu anreithav y gỽladoed
oed heb lywyavdyr nac amdiffynỽr arnadunt. a
ỻad y bileinỻu a|r tir·diwyỻodron. ac yna eis+
soes gvedy menegi y vaxen y trueni hỽnnỽ
yd anuones ynteu gratian rod·gymryt a dỽẏ ̷ ̷
| « p 40v | p 41v » |