Breudwd Welsh Prose 1300-1425
Cymraeg

BL Additional MS. 19,709 – page 76v

Brut y Brenhinoedd

76v

vu y kaỽr. ac megys baed coet ar hyt yr avchwayv
yn kyrchu yr helyỽr veỻy ar hyt y cledyf kyrchu
arthur. a|oruc. ac amy lyt yndaỽ am y wregys a|i
drauodi yny vyd ar ben y lin y|r ỻaỽr. ac yn|y  
galv a|oruc arthur y|nerthoed attaỽ a ỻithraỽ o|e dvy+
laỽ. ac o|pop parth idaỽ y|fustaỽ yr aghenuil hỽnnv
a|e gledyf hyt pan gauas agheuavl dyrnaỽt a|r cle+
dyf yn|y ben hyt yr ymenyd. a diaspat a dodes yr a+
ghenuil. a|megys derwen a|diwreidei y gvynt syrth+
aỽ gan diruaỽr tỽrỽf a oruc. a|chwherthin a oruc y
brenhin. ac erchi ỻad y ben o vedwyr a|e rodi ar vn
o|r gỽeisson y dvyn y|plith y|ỻu o|e dangos yn ryfeda+
ỽt. ac yna y dywaỽt arthur na ry gavssei eiroet yr eil
gvr kyn|devret a|hvnnv eithyr ricka gaỽr a ymlad+
assei ac ef ac a|ladassei yn eryri. hvnnv a|wnathoed
pilis idaỽ o varueu brenhined a|ry|ladassei ac anuon
a|oruc at arthur y erchi idaỽ bligaỽ y varyf e|hunan
a|e hanuon idaỽ. a Megys yd oed arthur yn ben ar y
brenhined; ynteu a|dodei y varyf ef yn vchaf ar y bilis
o|r barueu ereiỻ oỻ yn enryded y arthur. ac ony ulyngh+
ei ef hynny. erchi y arthur dyfot y gatwent ac ef
a|r trechaf onadunt kymerei y|pilis a baraf y llall
a gvedy eu mynet y ymlad y|kafas arthur y vudugol+
yaed ac y kymerh* y varyf a|r pilis. a gvedy hỽnnv ef
a|dywed  hy hyrdỽys ac ef eiroet yr eil gvr kyn
deỽret a|r ỻaỻ. a gvedy kaffel o arthur y vudugolyaeth
honno yn yr eil ỽylua o|r nos vynt a doethant y
eu