Cardiff MS. 1.362 (Hafod 1) – page 35v
Brut y Brenhinoedd
35v
Sef a wnaeth koel anuon attaỽ y erchi tagnoued
ac gynic idaỽ darystygedigyaeth o ynys pry+
dein ganhadu y goel y vrenhinyaeth a thalu teyr+
nget y wyr rufein. A gỽedy datganu hynny y con+
stans y rodes tagnoued udunt. ac y kymyrth gỽ+
ystlon y gan y brytanyeit ar hynny. a chyn pen
y mis gỽedy y kleuychỽys coel o ỽrthrỽm heint.
Ac yn|yr ỽythuet dyd y bu varỽ.
A Gỽedy marỽ coel y kymyrth constans coron
y teyrnas ac vn verch coel yn vreic idaỽ. sef
oed y henỽ elen verch coel. a honno a vu elen luy+
dyaỽc. ac ny chat yn yr enyssoed a gyfflyppei idi
o pryt a gosced. ac nyt oed yg kyluydoeu* a allei
ymgyfflybu idi. kans y that a parassei y dyscu
velly ỽrth nat oed idaỽ etiued namyn hi. mal y bei
haỽs idi lywyaỽ y theyrnas gỽedy ef. A gỽedy kym+
ryt o constans. elen y wreic idaỽ. Ac y ganet mab i+
daỽ o·honai. Ac y dodet ar y mab Custenin. Ac
ym pen deg mlyned gỽedy hynny y bu varỽ cons+
tans ac y cladỽyt yg kaer efraỽc. Ac yd edewis
y custenin y vrenhinyaeth. Ac ym pen ychydic o
vlỽnyded ymdangos a oruc kustenin vot yndaỽ vo+
ned maỽr a|delyet. ac ymrodi y haelder a|dylyet a
daeoni a gỽneuthur iaỽnder yn|y arglỽydiaeth ac
ymdangos mal lleỽ dywal y rei drỽc. a megys oen
yr rei da.
AC yn yr amser hỽnnỽ yd oed ỽr creulaỽn engiriaỽl
yn ymheradyr* yn rufein. Sef oed y enỽ maxen
ar bonhedigyon a|gywarsagei o gyffredin arglỽydiaeth
| « p 35r | p 36r » |