Cardiff MS. 1.363 (Hafod 2) – page 135v
Brut y Brenhinoedd
135v
1
ethỽ e teyrnas honno a orỽc ac atnewydv y
2
thangneỽed. Ac odyna kylchynỽ holl gwla+
3
doed escotlont ac estwng erwrpwyth* pobyl
4
honno a orỽc wrth y kyghor. A chymeynt o
5
yaỽnder a gwyryoned a orỽc ef trwy e gwla+
6
doed ac na gwnathoed nep kyn noc ef e kemey+
7
nt. Ac wrth henny eny dyewoed ef e bydey of+
8
yn ar paỽb o|r gwnelynt na drwc na cham. kan+
9
ys hep trỽgared e poenyt. Ac o|r dywed gwedy h+
10
edychỽ a tangnheỽedỽ holl teyrnassoed e gogl+
11
ed. odyna ed aeth hyt en llỽndeyn ac eno ed erchys
12
ef karcharỽ octa ac|offa ac eỽ gwarchadv en gr+
13
aff amgeledỽs. Ac odyna ỽal ed oed gwylỽa e pa+
14
sch en dyỽot ef a gorchymynnỽs y wyrda e teyrnas
15
emkynnỽllaỽ hyt eg kaer lỽndeyn kanys eno
16
e mynney ef gwyschaỽ coron e teyrnas a chan an+
17
ryded ac advrn gwneỽthỽr gwylỽa e pasc en
18
ỽrenhynaỽl. Ac wfydhaỽ a gwnaethant pavb
19
ydaỽ ac o pob amravalyon kayroed. a chestyll
20
a dynassoed a gwladoed emkynnỽllaỽ a gwnae+
| « p 135r | p 136r » |