Cardiff MS. 1.363 (Hafod 2) – page 146r
Brut y Brenhinoedd
146r
y atnabot o|r gwyr o ỽeỽn y tynnv a or+
ỽgant wrth raffeỽ attadỽnt y meỽn. Ac
gwedy gwelet ohonaỽ y ỽravt emkarv a
orỽgant megys na ry ymwelssynt trwy la+
wer o yspeyt kyn no henny. Ac ỽal ed oedynt
eỽelly en medylyaỽ ac en keyssyaỽ ystryỽ pa
wed e gellynt em·rydhaỽ o·dyno. ac ỽal ed
oedynt en dyobeythav o henny e nachaf eỽ
kennadeỽ en ymchwelỽt o Germany a chel+
dryc en tywssaỽc arnadỽnt. ac* chwe chant
llong kanthỽnt en llaỽn o ỽarchogyon ar+
ỽaỽc. ac en dyskynnỽ en er alban. Ac gwedy
klybot henny annoc a gwnaethant y kyg+
horwyr y arthỽr adaỽ y dynas rac dyỽot
e ssaỽl nyveroed henny am eỽ penn a bot en
pedrỽs ac ar damweyn ỽdỽnt rody kat ar
ỽaes ỽdvnt. Ac|wrth henny ỽfydhaỽ a orvc
arthvr o|e kyghorwyr. ac odyno ed aeth hyt
en llwndeyn. ac eno galỽ a orỽc attaỽ holl
gwyrda e teyrnas o yscolheygyon a lleyg+
yon ac erchy vdvnt rody kyghor goreỽ
a yachaf o|r a wypynt neỽ a ellynt en
| « p 145v | p 146v » |