Oxford Jesus College MS. 119 (The Book of the Anchorite of Llanddewi Brefi) – page 134v
Rhybudd Gabriel, Efengyl Ieuan
134v
a|mab y|goruchaf y|gelỽir. Ac ef a|ryd idaỽ ar+
glỽyd duỽ eistedua dauid y|dat. Ac a|ỽledycha yn
ty iago tragyỽydaỽl. ac ny|byd diỽed. ar y teyrn+
nas ef. A dyỽedut a|oruc meir vrth yr angel. Py
vod y|byd hynny. kanny chytssynnyaf a chyt gỽr.
ar angel a|dyỽat yn atteb idi. yr yspryt glan ody
arnati a|daỽ ynot. A|grym y|goruchaf a|uyd gysca+
ỽt ac amdiffyn yti rac pob pechaỽt. Ar sant a
enir ohonat ti a|elỽir mab duỽ. A|llyma elizabeth
dy gares ti. hi a aruolles mab yn|y heneint. a hỽnn
yỽ y|chỽet* mis yr|honn a|elỽir anvab. kannys pob
ryỽ beth o|r a|allo bot yn eir gỽir a|dichaỽn duỽ.
a|dyỽedut a|oruc meir vrth yr angel. llyma laỽuor+
ỽyn yr arglỽyd. bit ymi herỽyd dy eir di. ameN.
*llyma euegyl Jeuan ebost.
Llyma synnỽyr euegyl Jeuan ebostol herỽyd y|dy+
yll ar synhỽyr a|rodes duỽ yr neb a|e|troes o|ladin
yg|kymraec. a gỽybydet baỽp oc a|e darlleo pann
yỽ geirev yr euegyl ynt y|rei y|mae y|llinyev y|da+
nunt. Ar geireu ereill heb linnyev. Geireu y|neb
a|e troes yg|kymraec y synnhỽyraỽ ac y|amlyccav
yr euegyl. Jn principio erat uerbum. Yn|y dechreu
yr oed geir. Sef oed hynny yn|y tat duỽ yd|oed
mab. kannys geir duỽ oed y|vab. Ar geir a|oed
gyt a|duỽ. Ac vrth hynny y|dylyỽn ni ỽybot nat vn
The text Efengyl Ieuan starts on line 15.
| « p 134r | p 135r » |