Oxford Jesus College MS. 119 (The Book of the Anchorite of Llanddewi Brefi) – page 99r
Buchedd Dewi
99r
pob vn o|r seint vrth y|gilyd. nyt oes neb ohonom a
allo pregethu y|niuer hỽnn. A ni a|e prouassam pob eil+
ỽers. A ni a|ỽelỽnn nat oes gras y|neb ohonam ni y
bregethu y|niuer hỽnn. Edrychỽch a|medylyỽch a|ỽd+
daỽch chỽi a|oes neb mor deilỽng ac y gallo pregethu
yr hỽnn y|niuer yma. Yna yd attebaỽd paulinus sant
a hen escob oed ef. myuy heb ef a|ỽnn ỽas Jeuangk
tec adỽyn. Ac angel yn ỽastat yn getymdeith idaỽ.
A mi a|e hadỽen heb ef y|vot ef yn gymenn. Ac ynn
diỽeir ac yn caru duỽ yn vaỽr. Ac a|ỽnn y car duỽ
ynteu. A|e vot yn gyurannaỽc ar yr holl voesseu da.
Miui heb ef a|ỽn y|mae mỽyhaf dyn rat duỽ arnaỽ
yn|yr ynys honn yỽ hỽnnỽ. A|dauid sant y gelỽir.
Yn gyntaf ef a|dyscaỽd llen a|berthynei idaỽ y|dyscu
ar y|dechreu. a gỽedy hynny ef a|dyscaỽd y gennyf
ynheu yr yscrythur lan. Ac a|uu athro. Ac yn|rufein
a|vrddỽyt yn archescob. a|mi heb ef a|ỽeleis angel yn
dyuot attaỽ ac yn galỽ arnaỽ ac yn erchi idaỽ vy+
net y|ỽlat y gyuanhedu y|lle a|barchassei duỽ idaỽ
yn teyrnnas demetica. Sef yỽ honno mynyỽ yn|y de+
heu. Eỽch a gelỽch attaỽch hỽnnỽ ef yssyd yn caru
duỽ vaỽr ac yn pregethu y|grist. a|miui a|ỽn y|mae i+
daỽ ef y|rodes duỽ y gras. Ac yna yr anuones y seint
gennadeu hyt yn|dinas rubi y|lle yr oed dauid sant
gỽas y|duỽ yn gỽediaỽ ac yn dyscu. A|phann gigleu
| « p 98v | p 99v » |