NLW MS. Llanstephan 27 (The Red Book of Talgarth) – page 110r
Efengyl Nicodemus
110r
y rodet ef. Moysen heb ef a|r proffỽydi a racdywedassant o|r di+
odef hỽnn ac o|m hatgyuotedigaeth inneu. Pan gigleu yr Jde+
won hynny y dywedassant ỽrth bilatus. Pa|beth a vynny di
y glybot vỽy no hynny o gamwed. Os yr ymadraỽd hỽnn ys+
syd gam heb·y pilatus. kymerỽch chỽi efo a|dygỽch y|ch e+
glỽys. a|herỽyd aỽch dedyf bernỽch ef. Yn an|dedyf ni heb
ỽynt y mae. os|dyn a|wna codyant y araỻ. ef a|dyly kym+
ryt un dyrnaỽt eisseu o ugeint o gosp. Pỽy bynnac ha+
gen a|godo duỽ y lebydyaỽ a mein a|dyly. A dywedeis i y
chỽi heb·y pilatus. os yr ymadraỽd hỽnn yssyd gamwedaỽc
kymerỽch chỽi efo a|bernỽch ef herỽyd aỽch|dedyf. Nin+
neu a uynnỽn y grogi ef yr idewon ỽrth bilatus. Nyt da
hynny heb·y pilatus. ac edrych ar y bobyl a|ỻawer onad+
unt yn wylaỽ. nyt yttiỽ yr hoỻ gynnuỻeitua yn mynnu ~
hynny heb·y pilatus. Am hynny y dodyỽ paỽb heb yr hyne+
if a|r ideỽon ỽrth y|dihenydyu ef. Paham y|dihenydyir yn+
teu heb·y pilatus. Heb yr Jdewon. am dywedut o·honaỽ y uot
yn uab y duỽ ac yn vrenhin. Ac yna y safaỽd nichodemus
Jdeỽ rac bronn y raclaỽ y erchi idaỽ kannyat y dywet+
ut ychydic. Dywet heb·y pilatus. Pony dywedeis i y chỽi
heb·y nichodemus y|r hyneif a|r offeireit a|r diagonyeit. a
hoỻ gynnuỻeitua yr Jdewon yn|y sẏnagoga. ac a|o·vynne+
is udunt pa beth a geissynt y gan y dyn hỽnn. hỽnn
a|wnaeth gỽyrtheu gogonedus. ac ny weles neb eu kyf+
ryỽ. peidyỽch ac ef. ac na wneỽch drỽc idaỽ. kanys os o duỽ
y mae parhau a|wna y wyrtheu. os o dynyon ym·oỻỽng
a|wnant. kanys pan anuones duỽ voysen y|r eifft y gỽ ̷+
| « p 109v | p 110v » |