NLW MS. Llanstephan 27 (The Red Book of Talgarth) – page 115r
Efengyl Nicodemus
115r
1
chỽi daly credadunyaeth o·nadunt gyt a|disgyblon iessu. Ac yna
2
y kyuodes nichodemus yn eu perued. a moli a|dywedei mei+
3
by˄on yr israel. a dywedut. Chỽi a|glyỽssaỽch bop peth o|r a|dywa+
4
ỽt y trywyr. a|chan dywedut y tyngassant y dedyf duỽ ry welet
5
ohonunt Jessu ar vynyd oliuet gyt a|e disgyblon. ac odyna y
6
welet o·honunt yn esgynnu y|r nef. a|r ysgruthyr heuyt a|n
7
dysc ni ry gymryt elias broffỽyt. a|phan ovynnỽyt elias y
8
gan ueibyon y proffỽydi. Mae elias yn tat ni heb ỽynt. Yr atte+
9
baỽd ynteu. ef a|gymerỽyt. Agattoed heb meibyon y proffỽydi
10
ỽrthaỽ ynteu yr yspryt a|e kymerth ac a|e gossodes ym mynyd
11
yr israel. ac etholỽn wyr a|gylchyno y mynyd hỽnnỽ. ac agat+
12
toed ni a|e caffỽn. a|gỽediaỽ elizeus a|orugant y dyuot gyt ac
13
ỽynt. ac ymdeith tridieu a|orugant. ac ny chaỽssant dim. ac
14
weithyon gỽarandeỽch vi veibyon yr israel. ac anuonỽn|wyr y
15
vynyded yr israel. o|r damchweinyaỽd ry dỽyn o|r yspryt iessu
16
ac y|edrych a|damchweinyo y gaffel y·no. a|chymerỽn benyt. ~
17
Ac y|r|bobyl oỻ y rangaỽd bod ymadraỽd nichodemus. ac an+
18
uon gỽyr y geissaỽ Jessu a|orugant ac ny|s caỽssant. A|gỽedy
19
eu hymchoelut y|d·ywedassant na chaỽssant Jessu. namyn
20
Joseph a|gaỽssam ni yn arimathia. A|phan|gigleu tywysso+
21
gyon yr offeireit hynny a|r|bobyl oỻ ỻawen vu ganthunt. a
22
moli duỽ yr israel am gaffel Joseph. ac a|e gwarchae·assant y
23
myỽn carchar. ac y·gyt y ducpỽyt kynnuỻeitua uaỽr. a|dyỽ+
24
edut ỽrth tywyssogyon yr offeireit. Pa|delỽ heb ỽynt y traethỽn
25
ni ỽrth Joseph. Tangneued ytt ac y|r yssyd gyt a|thi. ni a
26
wdam ry bechu ohonam yn|erbyn duỽ. ac y|th erbyn ditheu.
27
ac ỽrth hynny teilynga dyuot ar dy dadeu. ac ar|dy veibyon.
| « p 114v | p 115v » |